طبعاً الوالد الله يحفظه عمره حدود 58 سنة يعني من الشياب في عام 2005 تقاعد من شركة ارمكو السعودية وحصل على مبلغ كان في وقتها الناس كلها تتقاعد وتطب في الاسهم كنت انا طالب في الكلية
ابوي يوم انه تقاعد قال انا بأمن مسكن لعيالي طبعاً حنا عندنا بيت في منطقة راقية الوالد يقول ابغى اشتري عمارة للعيال كل واحد ياخذ فيها شقة واجمع شمل العائلة .
جاوا ربع الوالد وكانت سنة 2005 في الشهر الخامس او السادس قالوا للوالد ادخل سوق الاسهم ابوي عنيد وقال وش له ادخل في سوق الاسهم شيئ ما اعرف له ما ادخل فيه انا ابغى عمارة وكانت العمائر في هبوط قوي ابوي قرر وخلاص مافي فكة والحمدلله اشترى عمارة خمس شقق و محلين تجاريين قيمة الشراء مليون و اربعمائة وخمسين ريال . المدخول 150 الف ريال في السنة طبعاً كان التوقيت اللي اشترينا فيه ممتاز للاستثمار اما الان الاسعار غير مجدية للاستثمار تخيلوا العمارة انسامت سنة 2008 بثلاثة مليون ريال العمارة على شارع تجاري و انا قلت للوالد لاتبيع لان العمارة هذي لسكن وليست للبيع حنا موطماعين نريد السكن فقط
طبعاً انا اعمل في منطقة بعيد عن مسقط راسي و اخي الكبير يسكن في بيت الوالد و اخواني لم يتزوجوا بعد الوالد استفاد من الاجار من عام 2006 الى 2010م جمع مبلغ محترم
انا طبعاً اطقطق في الاسهم اخذ 150 الى ..... اللي الله يرزقني مرة اخسر ومرة اربح لكن لدي خطه علشان كذا دبلت راس مالي الوالد سألني من وين لك هذا المبلغ انا قلت له من الاسهم قلت للوالد وراك ماتدخل في الاسهم قالي مالي فيها عندي شركات اكتتاب و متوهق فيهم اخذت ورقة من الوالد واشوف قيمة الاكتتابات شفتها 50 الف او اكثر القيمة السوقية صارت 120 الف ريال قلت للوالد حلو وش اللي مو عاجبك قالي خسارتي في ينساب قلت للوالد الاكتتاب حقها بـ 50 كان لكن تم تجزئة السهم وصارة القيمة الفعلية لسعر الاكتتاب 10 ريال والقيمة كانت على الشاشة 32 ريال قلت للوالد مومشكلة انت ربحان. المهم الان السعر 57 ريال تقريباً شوفوا كيف الفرق دار النقاش بيني وبين الوالد قلت للوالد انا اشوف لك اسهم زينه وخلك من كلام الناس قالي وش اسوي فيهم قلت تعطيك ارباح من غير اذيه ولا تروح للمستأجر ويتهرب و يزعل وتزعل قال هذا عندي اسهم ولا عطاني قلت له اصبر عليه واشوف وش السالفة وكانت شركة المتقدمة معلنة ارباح بتوزعها بعد كم يوم يوم جاء موعد التوزيع قلت للوالد جيب كشف حساب مختصر من الصراف المهم جابه الوالد ولا شفنا ريال واحد نزل من الشركة قلت للوالد بكرة روح للبنك قوله اذا عندك حساب استثماري او لا وراح تشوف مبلغ محترم الوالد راح البنك
جاني يقولي ياولدي طلعت الاسهم زينه حطوا لي مبلغ وطلع برنت من البنك وشفت كمية الاسهم زادت
الحمدلله قلت للوالد شفت لو انك تطيعني راح تعين خير فلوسك هذي اللي في البنك ماتجيب عقار لكن تجيب اسهم قالي شوف لي كم شركة وكان المبلغ اللي عنده 700 الف ريال قلت له ليه ماقلت لي من شهر اربعة الحين شهر 7 الاسهم ارتفعت اصبر لمن اشوف لك فرصة اشوي والسوق ينزل واشوف الشركات المفضلة عندي وصلت لاسعار ممتازة جداً قلت للوالد كم المبلغ اللي راح تدخل فيه قال اللي تشوفه قلت له 250 الف كافية هي ماراح تأثر فيك راح تعوضها ان شاء الله
المهم وزعت الـ 230 الف على اربع شركات
شركات عوائد وشركة واعدة
شركة المتقدمة واللي مايعرف المتقدمة مايعرف للاسهم ولا انصحه يقرب للاسهم
وكان السعر على 25 ريال والحمدلله التوزيعات من عام 2011 الى الان طيبه
خليته يحط 2000 سهم فيها وتم توزيع 6 ريال تاريخ الشراء على السهم والسهم الان سعره 30.6 ريال
وايضاً اشترى 2000 سهم في شركة العبداللطيف بسعر 26 ريال والعبد اللطيف وزع ارباح حدود 5.5 ريال تقريبا من تاريخ الشراء والان سعر السهم 43.2 ريال الحمدلله
و ايضاً اشترى سهم البابطين بسعر 22 ريال الكمية 2000 سهم و البابطين وزع ارباح 3 ريال من تاريخه وسعر السهم الان حول 30 ريال واشوي
الشركة الرابعة كانت شركة كيان واشترى فيها 3000 سهم سعر السهم 15 ريال والان سعره على الشاشة 12.25 ويترنح الى 12.5 لكن انا لم انظر للخسارة لان السهم هذا راح يوصل سعره الى 40 وممكن 100 في يوم من الايام لانها شركة استثمارية قلت للوالد عليها قال مايهم .
انا كل مرة اكلم الوالد في حال الاستحقاق لكن بحكم ظروف العمل نسيت ابلغ الوالد هو اليوم اتصل على جوالي يقولي الاسهم اودعوا ارباح لي اذا في فرصة قولي قلت له اصبر اشوي علشان اخليه يدخل في الجزيرة تكافل
النهاية الوالد دعا الله لي بالتوفيق
اراضي , فلل , قصور , عقارات , عقار , شبكة أعمال , عقار ستي , عقارات سيتي
urhv sjd hjwg hf,d da;vkd ,hgd;l hgrwm ;hlgm